சொக்கலேட்டினை மலையின் மீது பூசியது போல அழகாக மலைகள் காட்சியளித்தன.
எனது அனுபவங்களை உங்களுடன் பகிர்ந்து கொள்ளும் வலைப்பதிவு இது.
Thursday, May 27, 2010
நியூசிலாந்து 3 -அழகிய மலைகள்
மலைகளினூடாகப் பயணிக்கும் போது அழகான இயற்கைக்காட்சிகளைப் பார்த்து இரசித்தேன். என்னால் எடுக்கப்பட்ட படங்களை இங்கு இணைத்திருக்கிறேன். இப் புகைப்படங்களை வைத்துக் கொண்டு அவ் இயற்கைக்காட்சியின் அழகை வர்ணிக்க முடியாது. நேரில் இதைவிட அழகாக இருக்கும்.








சொக்கலேட்டினை மலையின் மீது பூசியது போல அழகாக மலைகள் காட்சியளித்தன.


சொக்கலேட்டினை மலையின் மீது பூசியது போல அழகாக மலைகள் காட்சியளித்தன.
Tuesday, May 25, 2010
நியூசிலாந்து 2 -ஆர்தர்பாசை(Arthur's Pass) நோக்கிப் பயணம்

நான் தங்கி இருந்த விடுதி கிரைஸ் சேர்ச்(Christchurch) விமான நிலையத்துக்கு அருகாமையில் இருந்தது. விடுதிக்கு கிழக்குப் பகுதியில் தான் கிரைஸ் சேர்ச் நகரின் 95 வீதமான நிலப்பரப்பு அமைந்துள்ளது. கிரைஸ் சேர்ச்சில் தான் தென் நியூசிலாந்தில் அதிக மக்கள் வசிக்கிறார்கள். இங்குதான் அதிக நிறுவனங்கள், உணவகங்கள் எல்லாம் இருக்கின்றன. காலைக் கோப்பியினை மட்டும் அருந்தி விட்டு, போகும் வழியில் உணவகம் எதாவதில் சாப்பிடலாம் என்று நினைத்து அதிகாலை 8 மணிக்கே ஆர்தர்பாசை நோக்கி பிரயாணித்தேன்.
ஆர்தர்பாஸ் எனது விடுதியில் இருந்து மேற்குப்பகுதியில் அமைந்திருக்கிறது. கிரைஸ் சேர்ச் நகரத்துக்குள் செல்லாமல் ஆர்தர்பாசை(Arthur's Pass) நோக்கிப் பயணித்தேன்.கிரைஸ் சேர்ச்சில் இருந்து கிட்டத்தட்ட ஒன்று அரை மணித்தியாலம் பிரயாணம் சென்றால் தான் ஆர்தர்பாஸ் வரும்.

Christchurchல் இருந்து Arthur's Pass வழியாக Greymouthற்கு புகையிரதப் பயணத்தினை பல சுற்றுலாப் பயணிகள் விரும்பிச் செல்வார்கள்.இயற்கை அழகான மலைகளினை இப்பயணத்தின் போது பார்க்க முடியும். எனினும் நான் மகிழுந்தில் பிரயாணம் சென்று இயற்கை அழகினைப் பார்க்க விரும்பினேன்.
போகும் வழியில் வாகனங்களைக் காண்பது மிகவும் அரிதாக இருந்தது. உணவகங்களையும் காணவில்லை. தேநீர்ச் சாலைகள் இருந்தன. ஆனால் அவையும் மூடப்பட்டிருந்தன. அன்று ஞாயிற்றுக்கிழமை.பனிக்கட்டிகளினால் சோடிக்கப்பட்ட மலைத்தொடரின் அழகை இரசித்துக் கொண்டு செப்டம்பர் மாதத்தில் நான் பயணித்துக் கொண்டிருந்தேன். குளிரும் அதிகமாக இருந்தது.மழையும் வரப்போவது போலத் தோன்றியது.
பயணத்தின் போது மலைகளின் மேல் இருக்கும் வீதியினுடாகச் செல்ல வேண்டும். கால நிலை சரியில்லை என்றால் இவ்வீதிகளில் செல்வது ஆபத்தானது. இதனால் அந்நேரங்களில் இவ்வீதியில் பிரயாணிக்க அனுமதி தரமாட்டார்கள். மலையினூடாக கிட்டத்தட்ட 1 - 2 மணித்தியாலங்கள் பிரயாணம் செய்ய வேண்டும். இச்சமயத்தில் எரிபொருள் நிலையங்கள் ஒன்றையும் காண முடியாது. விமான நிலையத்தில் பெற்ற வாடகை மகிழுந்தில் தேவையான அளவு எரிபொருள் இருந்ததினால், எரிபொருள் பற்றிப் பயப்படத்தேவை இருக்கவில்லை. பசிக்கத்தொடங்கியதினால் மலைத் தொடருக்கு முன்பு இருந்த கடைசி எரிபொருள் நிலையமொன்றில் விசுக்கோத்து, சிப்ஸ் வாங்கி உண்டபின்பு தொடர்ந்து பயணித்தேன்.
Monday, May 24, 2010
நியூசிலாந்து 1 - பயணம் ஆரம்பம்

2005ல் என்னிடம் கிட்டத்தட்ட 40000 Kris flyer புள்ளிகள்(points) வைத்திருந்தேன்.சிட்னியில் இருந்து கிட்டத்தட்ட 40000 புள்ளிகளுக்கு பயணிக்கத் தேவையான வெளினாடு நியூசிலாந்தாகும். 25000 புள்ளிகள் இருந்தால் சிட்னியில் இருந்து நியூசிலாந்துக்கு இலவசமாக விமானப்பயணம்(Return Tickets) சென்று வரலாம். இலவச வீமானச்சீட்டுக்காக உபயோகிக்கும் புள்ளிகளினைக் கொண்டு transit வீமானச் சீட்டுக்களை பெற முடியாது. 'Star Alliance' மூலம் சிட்னியில் இருந்து நியூசிலாந்துக்கு செல்லக்கூடிய ஒரே ஒரு விமானம் 'Air Newzealand'.
இவ்விமானம் சிட்னியில் இருந்து வட நியூசிலாந்தின் ஒக்லாண்ட், வெலிங்டன், ரொட்டுறுவா போன்ற நகரங்களுக்கும், தென் நியூசிலாந்தின் கிரைஸ் சேர்ச், குவிங்ஸ் டவுனுக்கும் பறக்கிறது. ஈழத்தமிழர்கள் உட்பட பெரும்பாலான மக்கள், வட நியூசிலாந்திலே வாழ்கிறார்கள். தென் நியூசிலாந்தில் சனத்தொகை மிகவும் குறைவு.இங்கு வாழும் ஈழத்தமிழர்களின் எண்ணிக்கை மிகக்,மிக குறைவு. ஆனால் நியூசிலாந்துக்கு சுற்றுலா செல்பவர்களில் 10ல் 9 வீதத்தினர் தென் நியூசிலாந்துக்கே விரும்பிப் பயணிப்பார்கள். தென் நியூசிலாந்து, வட நியூசிலாந்தை விட இயற்கை அழகு கூடியது. இதனால் நான் தென் நியூசிலாந்துக்கே பிரயாணம் செய்ய விரும்பினேன். அதிலும் தென் நியூசிலாந்தின் மேற்கு, கிழக்கு, தெற்குப் பகுதிகள் மிகவும் அழகான இயற்கைக் காட்சிகள் கொண்டவை என்பதினால் கிரைஸ் சேர்ச்சுக்கே பயணிக்க விரும்பி விமானச் சீட்டினை பெற முனைந்தேன். கொஞ்சம் பிந்தி வீமானச்சீட்டினைப் பதிந்ததினால், நான் விரும்பிய நேரந்தில் பிரயாணிக்க முடியவில்லை. அதனால் 7 முழுநாட்களுக்கும், 2 அரை நாட்களுக்கும் நியூசிலாந்தில் தங்கவே எனக்கு வீமானச் சீட்டு கிடைத்தது. ஒவ்வொரு நாளும் குறைந்தது 3 மணித்தியாலம் மகிழுந்தில் பிரயாணம் செய்து தென் நியூசிலாந்தின் மேற்கு, கிழக்கு, தெற்கு பகுதிகளுக்கு செல்வது என்று முடி வெடுத்தேன்.
நியூசிலாந்துக்கு பயணிக்க முன்பே 8 இரவும் எங்கே தங்குவது என்று முடிவெடுத்து இணையத்தின் மூலம் விடுதிகளைப் தெரிவு செய்து பணத்தையும் கட்டிவிட்டேன். நியூசிலாந்தில் பெரும்பாலான எல்லா விடுதிகளிலும் காலை உணவுகளுக்கு தனியாகக்கட்டணம் செலுத்த வேண்டும். மிகக்குறைவான விடுதிகளில் வாடகைப்பணத்தில் காலை உணவுகள் தரப்படுகின்றன. கிரைஸ் சேர்சில் உள்ள சில விடுதிகள், விமான நிலையத்தில் இருந்து விடுதிகளுக்கு சென்று வர இலவசச் சேவைகளினை வழங்குகின்றன.
வட நியூசிலாந்தை விட தென் நியூசிலாந்தில் மகிழுந்து வாடகைக்கு குறைந்த விலையில் எடுக்கலாம். தங்குமிட விடுதிகளும் தென் நியூசிலாந்தில் தான் குறைந்த விலையில் இருக்கும். பொதுவாக நியூசிலாந்தில் ஏப்ரல் மாதம் தொடங்கி செப்டம்பர் வரையிலான குளிர்காலத்தில் இன்னும் மலிவான விலையில் விடுதிகளைப் பெற முடியும்.
ஒரு நிறுவனத்தின் மகிழுந்தினை வாடகைக்கு உபயோகித்தபின்பு, அதே நிறுவனத்தின் வேறு கிளையில் மகிழுந்தினைத் திருப்பிக் கொடுக்கிற வசதி நியூசிலாந்தில் இருக்கிறது. நான் கிரைஸ் சேர்ச் விமான நிலையத்தில் மகிழுந்தினை 7 நாட்களுக்கு வாடகைக்கு பெற்றேன். 6 நாட்கள் மகிழுந்தினை வாடகைக்கு பெறுவதினால் 7 வது நாள் எனக்கு இலவசமாக உபயோகிக்க கூடிய வசதி இருந்தது.
தெற்கு நியூசிலாந்தின் பிரதான வீதிகளின் வரைபடம் ஒரே ஒரு பக்கமுடைய காகிதத்தில் பெறக்கூடியதாக இருக்கிறது. முக்கிய நகரங்களுக்கு செல்லும் போது அங்கே உள்ள சுற்றுலா நிறுவனங்களில் அந்நகரங்களில் உள்ள வீதிகளின் வரைபடங்களை கேட்டுப் பெறலாம். தென் நியூசிலாந்தின் பெரும்பாலான நகரங்களில் 4,5 வீதிகள் தான் இருக்கின்றன. ஆனால் கிரைஸ் சேர்ச்சில் அதிக வீதிகளைக் காணலாம்.

நான் நியூசிலாந்துக்குப் பயணிக்க முன்பே சிட்னியில் இருக்கும் போது நியூசிலாந்தில் என்ன பார்ப்பது என்பவற்றை முடிவு செய்திருந்தேன். எனினும் நியூசிலாந்தில் சுற்றுலா மையங்களில் கிடைக்கும் மேலதிக விபரங்களின் மூலம் சில புதிய பயணங்களைச் சேர்த்துக் கொள்வதாக முடிவெடுத்திருந்தேன்.
முதல் நாள் பயணம் - இல் Christchurch இருந்து மேற்காக Arthur's Pass வழியாக Greymouth அடைந்து வடக்கு நோக்கி Punakaiki சென்று மறுபடியும் Greymouth வழியாக Hokitika .
2ம் நாள் இல் Hokitika இருந்து Franz Josepf ஊடாக சென்று அருகில் உள்ள Fox Glazier
3ம் நாள் Fox Glazier இல் இருந்து Haast வழியாக Wanaka அடைந்து மேலும் தெற்கு நோக்கி சென்று Queenstown
4 ம் நாள் Queenstownல் இருந்து தெற்கு நோக்கி Te Anau
5ம் நாள் Te Anauஇல் இருந்து வட மேற்கே உள்ள Milford Sound அடைந்து மறு படியும் Te Anauக்கு வந்து மீண்டும் Queenstown .
6ம் நாள் Queenstownல் இருந்து Cromwell,Omarama வழியாக Twizel
7ம் நாள் Twizelஇல் இருந்து Mount Cook சென்று Lake Takapo வழியாக Christchurch .
கிரைஸ் சேர்ச் விடுதியினை அடைந்ததும் மறுநாள் பிரயாணம் பற்றி, எங்கே செல்வது எவற்றைப்பார்ப்பது என்பது பற்றி விமான நிலைய சுற்றுலா மையத்தில் கிடைத்த தகவல்கள், புத்தகங்களில் மூழ்கிவிட்டேன்.
Wednesday, February 10, 2010
இலவசமாக விமானத்தில் நீங்களும் பயணிக்கலாம்

பலர் பல நாடுகளுக்கு பயணிக்க வேண்டிய தேவை இருக்கிறது. உறவினர்களின் திருமணத்திற்கோ, யாராவது வேண்டியவர்கள் இறக்கும் போதோ, வேலை விடயமாகவோ, சுற்றுலாவுக்கோ , தாயகத்துக்கோ அல்லது வேறு விடயமாகவோ பயணிக்க வேண்டிய நிலை ஏற்படுகிறது. இப்படி பயணம் செய்யும் போது குறிப்பிட்ட சில விமானங்களில் பயணம் செய்தால் எமக்கு புள்ளிகள்(Points) கிடைக்கும். அப்புள்ளிகளை குறிப்பிட்ட புள்ளிகளை அடைந்ததும் எமக்கு இலவச விமானச்சீட்டுக் கிடைக்கும். இலவசம் என்றால் விமானச்சீட்டுத்தான்(Airline Ticket) இலவசம். வரி(Tax) மட்டும் நாங்கள் கட்டவேண்டும். நான் சிங்கப்பூர் (Singapore Airlines) விமானத்தில் தான் அதிகம் பிரயாணம் செய்வதினால் எனக்கு அப்பிரயாண புள்ளிகள் கிடைக்க Kris Flyerல் இணைந்தேன். சிங்கப்பூர் எயர்லான்ஸில் பிரயாணம் செய்வதினாலும் அல்லது அதன் சக விமானங்களில்( Star Alliance Partners - Air Canada, Air Newzealand,Air China, ANA, Asiana Airlines, United Airlines,Thai Airlines, Lufthansa,SAS, BMI, Austrian Airlines, South African Airlines, Swiss, US Airways, Tap Portugal, SpanAir,ADRIA,Croatia Airlines,Egyptair,Brussels Airline,LOT Polish Airline,Turkish Airline,Shangai Airlines, other airlines - Virgin Atlantic, Mexicana, Silk Airlines) பிரயாணம் செய்வதினாலும், பிரயாணிக்கும் மைல்களில் அளவுக்கு சமனான புள்ளிகள் கிடைக்கும். (Business, First Classல் பயணிக்கும் போது கூடபுள்ளிகள்)
சிட்னியில் இருந்து நியூயோக் அல்லது சிட்னியில் இருந்து இலண்டன் செல்ல கிட்டத்தட்ட 20000 புள்ளிகள் கிடைக்கும். சிட்னியில் இருந்து கொழும்பு செல்ல கிட்டதட்ட 11000 புள்ளிகள் கிடைக்கும். அதாவது பயணிக்கும் மைல்களின் அளவுக்கு சமமாக புள்ளிகள் கிடைக்கும்.
குறிப்பிட்ட தங்குமிடங்களில் தங்குவதினாலும் (உ+ம் Accor ,Hilton )புள்ளிகள் பெறலாம்
Avis,Hertz போன்ற மகிழுந்துகளை வாடகைக்கு பெறுவதினாலும் புள்ளிகள் பெறலாம்
சிங்கப்பூரில் Shell பெற்றோல் நிலையத்தில் பெற்றோல் அடிக்கும் போதும், சிங்கப்பூர் எயர்லைன்ஸில் பிரயாணம் செய்யும் போது பொருட்களை வாங்கும் போதும் புள்ளிகள் பெறலாம்.
இன்னும் பல வழிகளில் புள்ளிகளைப் பெறலாம்.
25000 புள்ளிகள் கிடைக்கும் போது சிட்னியில் இருந்து நியூசிலாந்துக்கு சென்று வர இலவச வீமானச் சீட்டினைப் பெறலாம். ஆனால் சேர்க்கும் இப்புள்ளிகள் 3 வருடத்தில் முடிவடைந்து விடும். முடியமுன்பு இப்புள்ளிகளுக்கு ஏற்ப வீமானச் சீட்டுக்கள் வாங்க வேண்டும். தற்பொழுது சில விமானங்களில் ஒரு இடத்தில் இருந்து இன்னொரு இடத்துக்கு செல்லத்(oneway) தேவையான புள்ளிகளிலும் இலவச (oneway) பயணம் செய்யலாம்.சிட்னியில் இருந்து நியூசிலாந்துக்கு Air Newzealandல் சென்று வர 12500 புள்ளிகள் தேவை.இலவச வீமானச்சீட்டுக்காக உபயோகிக்கும் புள்ளிகளினைக் கொண்டு transit வீமானச் சீட்டுக்களை பெற முடியாது.
சிட்னியில் இருந்து 'Kris Flyer ' ல் உள்ள விமானங்களில் வேறு இடங்களில் நிற்காமல் நியூசிலாந்துக்கு செல்லும் ஒரே ஒரு விமானம் ' Air Newzealand' . இவ்விமானம் சிட்னியில் இருந்து வட நியூசிலாந்தின் ஒக்லாண்ட், ரொட்டுறுவா,வெலிங்டன் போன்ற நகரங்களுக்கும், தென் நியூசிலாந்தின் கிரைஸ் சேர்ச், குவிங்ஸ் டவுனுக்கு பறக்கிறது.
நான் சிங்கப்பூர் எயர்லைன்சில் பிரயாணம் செய்வதினால் 'KrisFlyer ' பெறுவது போல, நீங்களும் வேறு சில விமானங்களின் மூலம் புள்ளிகள் பெறலாம். (Frequent Flyer points - Qantas,British Airways,American Airlines,Cathay Pacific,Japan Airlines...... )
Virgin Blue மூலம் பெறப்படும் புள்ளிகள் Velocity Points ஆயூள் வரைக்கும் பாவிக்கலாம்
என்னிடம் Frequent Flyer ,Velocity Pointsம் இருக்கிறது. ஆனால் நான் அதிகம் Star Alliance விமானங்களில் தான் பயணிப்பதுண்டு.
நான் 3 முறை நியூசிலாந்துக்கு இலவசப்பயணம் செய்திருக்கிறேன். 2005ல் முதல் முறையாக சென்ற போது பார்த்தவற்றை யாழ் இணையத்தளத்தில் பதிந்திருக்கிறேன்.(2008,2009லும் நான் இலவசப்பயணம் செய்திருக்கிறேன்). அவ்வனுபவத்தை எனது வலைப்பதிவினூடாக உங்களுடன் இனி வரும் பதிவுகளுடன் பகிரவுள்ளேன்.
Monday, August 31, 2009
வனுவாட்டு - பகுதி25 - எரகொர்(ERAKOR ) குடா
நான் தங்கியிருந்த லீ லகுன் விடுதிக்குப் பக்கத்தில் இருக்கும் எரகொர் குடாவின்(ERAKOR) நடுவில் இருக்கும் சிறு தீவில் அமைந்திருப்பது ERAKOR ISLAND RESORT.


இத்தீவிற்கு இலவசப்படகின் மூலம் தான் செல்ல முடியும். ஈவெட் தீவில் இருந்து அருகில் இருக்கும் பல சிறு தீவுகளுக்கு செல்ல இலவசப்படகுச் சேவைகள் நடைபெற்று வருகிறது.

இத்தீவின் கரைகளில் பச்சை நிறத்தில் உயிருள்ள சோகிகளினக் கண்டேன்.

கரையோடு அண்மித்த பகுதியில் உள்ள குடாவில் உள்ள நீர்களில் சிறு சிறு மீன்களையும் கண்டேன்.

மாலை நேரத்தில் எடுக்கப்பட்ட Erakor குடாவின் கரையோரங்களின் புகைப்படங்கள்





வனுவாட்டு என்ற நாட்டிற்கு 2006ல் பயணித்த போது ஏற்பட்ட அனுபவங்களை யாழ் இணையத்தளத்தில் எழுதியிருந்ததை எனது வலைப்பதிவினூடாக உங்களுடன் இதுவரை காலமும் பகிர்ந்திருந்தேன்.
எனது வனுவாட்டு அனுபவப் பதிவினை வாசித்தவர்களுக்கும், வாசித்து கருத்துக்கள் பகிர்ந்தவர்களுக்கும் நன்றிகள். அடுத்த பதிவில் இருந்து 2005ம் ஆண்டில் நான் நியூசிலாந்து சென்ற போது பார்த்தவற்றை உங்களுடன் பகிர்கிறேன்.

இத்தீவிற்கு இலவசப்படகின் மூலம் தான் செல்ல முடியும். ஈவெட் தீவில் இருந்து அருகில் இருக்கும் பல சிறு தீவுகளுக்கு செல்ல இலவசப்படகுச் சேவைகள் நடைபெற்று வருகிறது.
இத்தீவின் கரைகளில் பச்சை நிறத்தில் உயிருள்ள சோகிகளினக் கண்டேன்.
கரையோடு அண்மித்த பகுதியில் உள்ள குடாவில் உள்ள நீர்களில் சிறு சிறு மீன்களையும் கண்டேன்.
மாலை நேரத்தில் எடுக்கப்பட்ட Erakor குடாவின் கரையோரங்களின் புகைப்படங்கள்
வனுவாட்டு என்ற நாட்டிற்கு 2006ல் பயணித்த போது ஏற்பட்ட அனுபவங்களை யாழ் இணையத்தளத்தில் எழுதியிருந்ததை எனது வலைப்பதிவினூடாக உங்களுடன் இதுவரை காலமும் பகிர்ந்திருந்தேன்.
எனது வனுவாட்டு அனுபவப் பதிவினை வாசித்தவர்களுக்கும், வாசித்து கருத்துக்கள் பகிர்ந்தவர்களுக்கும் நன்றிகள். அடுத்த பதிவில் இருந்து 2005ம் ஆண்டில் நான் நியூசிலாந்து சென்ற போது பார்த்தவற்றை உங்களுடன் பகிர்கிறேன்.
Monday, January 05, 2009
வனுவாட்டு - பகுதி24 -சுற்றுலா
வனுவாட்டு போட் விலாவில் நான் இருந்த விடுதியில் வரவேற்பு அறையில் வனவாட்டு சுற்றுலா பற்றிய விபரங்கள் இருந்தன. அதில் பல சுற்றுலா நிறுவனங்களின் விபரங்களும் சுற்றுலாக்கள் பற்றிய தகவல்களும் இருந்தன. ஒரே சுற்றுலா ஒன்றுக்கு மேற்பட்ட சுற்றுலா நிறுவனங்களினால் நடாத்தப்படுகின்றன. ஆனால் சுற்றுலா செல்லும் இடங்களில் நடைபெறும் நிகழ்ச்சிகளில் சில சில வித்தியாசங்கள் இருக்கிறது. ஈவேட் தீவைச் சுற்றி நான் ஒரு நிறுவனத்தினால் நடாத்தப்படும் சுற்றுலாவில் கலந்து கொண்டதினை விபரித்து இருக்கிறேன். வேறு ஒரு நிறுவனம் ஈவேட் தீவைச்சுற்றி நாங்கள் பார்த்த இடத்தில் அதிகமான இடங்களையும், பார்க்காத சில இடங்களையும் காண்பிக்கிறது.
பெரும்பாலான சுற்றுலாக்கள் சில நிறுவனங்களினால் நடாத்தப்படுகின்றன. சில சுற்றுலாக்கள் முழு நாளும், சில அரை நாளும், சில 2 மணித்தியாலங்களும் எடுக்கும். சில சுற்றுலாக்கள் குறிப்பிட்ட கிழமைகளில் மட்டுமே நடைபெறும். அதற்கு ஏற்றமாதிரி நாங்கள் எங்கள் சுற்றுலாவினைத்தெரிவு செய்யவேண்டும். நான் வனுவாட்டுக்குப் போன போது அவுஸ்திரெலியா தாஸ்மேனியா[Tasmania] மானிலத்தின் தலைநகர் கோபாட்டில்[HoBart] இருந்து ஒரு பெரிய கப்பலில் பலர் சுற்றுலாவுக்கு இங்கே வந்திருந்தார்கள். அவர்கள் ஏற்கனவே சில சுற்றுலாக்களினைப் பதிந்தார்கள். இதனால் நான் விரும்பிய நேரத்தில் சில சுற்றுலாக்களுக்குச் செல்லமுடியவில்லை. எனினும் வேறு தினத்தில் நான் அச்சுற்றுலாக்களுக்குச் சென்றேன். நான் தங்கியிருந்த விடுதியின் மூலம் சுற்றுலாக்களினைப் பதியலாம். சுற்றுலா நடாத்தும் நிறுவனங்கள் சொகுசு வாகனத்தில் விடுதியில் இருந்து சுற்றுலா காட்ட கூட்டிக் கொண்டு போவார்கள்.

சில சுற்றுலாக்களுக்கு நாங்கள் பேருந்து அல்லது வாடகை மகிழுந்திலும் செல்லலாம். மேலதிகப்பணம் கூடக்கொடுத்தால் வேறு சில தனியார்களினால் நடாத்தப்படும் சொகுசு வாகனங்களில் இவ்விடங்களுக்குச் செல்லலாம். ஒரு முறை இயற்கையான தோட்டத்துக்கு சுற்றுலா சென்ற பிறகு நான் பேருந்தில் பயணித்தேன். பேருந்தில் மரக்கறிகள்,மீன்கள் போன்றவற்றினை கொண்டு மக்கள் சந்தைக்கு செல்வதினால் அவற்றின் நாற்றத்தினைச் சகிக்க முடியாமல் மூக்கைப் பொத்திக் கொண்டு பயணித்தேன். அதன் பிறகு பேரூந்தில் பயணிப்பதைத் தவிர்த்தேன்.

வனுவாட்டுக்கு சுற்றுலா செல்லும் பயணிகளில் பெரும்பாலோர் ஈவெட் தீவுக்கும், ஈவெட் தீவின் அருகில் உள்ள சிறு தீவுகளுக்கும் செல்வார்கள். அத்துடன் Tanna என்ற பெரிய தீவுக்கும் செல்வார்கள். இத்தீவிற்கு விமானத்தின் மூலம் போட்விலாவில் இருந்து ஒரு மணித்தியாலம் பிரயாணம் செய்ய வேண்டும். விமானக் கட்டணம்,ஒரு நாள் தங்குமிட வசதி, இத்தீவில் கட்டாயம் பார்க்கவேண்டிய எரிமலை ஆகியவற்றுக்கு கிட்டத்தட்ட 17500 வனவாட்டு வாற்று தேவைப்படுகிறது. இரவில் எரிமலை நெருப்பினை, நெருப்பின் மேலே, விமானத்தில் இருந்து கொண்டே பார்க்கலாம். இதனால் தான் கட்டணம் அதிகம் என்றாலும் சுற்றுலாப் பயணிகள் இத்தீவிற்கு கட்டாயம் செல்வார்கள். போட் விலா விமான நிலையத்தில் இருந்து ஒவ்வொரு நாளும் விமானம் ஒரு முறை இத்தீவிற்கு செல்கிறது. மற்றைய பெரியதீவுகளுக்கும் போட் விலாவில் இருந்து விமானம் (ஒரு மணித்தியாலம் பயணம், ஒரு முறை ஒரு நாளுக்கு விமானம் பயணிக்கிறது) செல்கிறது. பெரும்பாலும் எல்லாத்தீவுகளும் ஒரே மாதிரி என்பதினாலும் கட்டணம் அதிகம் என்பதினாலும் மிகவும் குறைவான சுற்றுலாப்பயணிகளே இத்தீவுகளுக்குச் செல்கிறார்கள். என்றாலும் இத்தீவுகளில் வாழ்பவர்களின் வாழ்க்கை முறைகள், கலாச்சாரங்கங்கள் தீவுகளுக்கிடையே வித்தியாசமாக இருக்கிறது.
நானும் Tanna தீவில் எரிமலையினைப் பார்க்க விரும்பி விடுதியில் உள்ள வரவேற்பாளாரின் உதவியுடன் பிரயாண முகவர்களிடம் பதிந்திருந்தேன். அவர்கள் குறிப்பிட்டளவு சுற்றுலாப் பயணிகள் சேர்ந்தால் கட்டாயம் பிரயாண ஒழுங்குகள் செய்வதாகவும் கட்டாயம் இடம் கிடைக்கும் என்றும் சொன்னார்கள். அதற்கு நான் எந்த நாள் என்றாலும் பரவாயில்லை என்றும் சொல்லியிருந்தேன். நான் சிட்னிக்கு திரும்பி வரும் நாளுக்கு முதல் நாள் இத்தீவுக்குச் செல்ல இடம் கிடைக்கும் என்றும், மறுநாள் திரும்பிவிடலாம் என்றும் சொன்னார்கள். ஆனால் கடைசி நேரத்தில் சுற்றுலாப் பயணிகள் சேராததினால் அந்த நிறுவனத்தினால் என்னால் Tanna தீவுக்கு செல்ல முடியவில்லை. நான் சிட்னிக்கு திரும்பி வரும் நாளில் விடுதியில் சந்தித்த அவுஸ்திரெலியாக் குடும்பத்தினாரைச் சந்தித்தேன். அவர்களுக்கும் இவ்வாறு இடம் கிடைக்காததினால் நேராக போட்விலா விமான நிலையத்துக்கு சென்று அங்கே பதிந்ததினால் அன்று Tanna தீவுக்கு செல்ல உள்ளதாகச் சொன்னார்கள். Tanna தீவில் உள்ள முகவர்கள் கட்டாயம் சிறு விமானத்தில் எரிமலையினைப் பார்க்கக் கூட்டிச் செல்வார்கள் என்றும் சொன்னார்கள். தென் பசுபிக் நாடுகளில் எரிமலையினைப் பார்க்கலாம். வனவாட்டில் பார்க்கதினைப் பிற்காலத்தில் வேறு ஒரு நாட்டில் பார்க்கலாம் தானே. இணையத்தளத்தில் இருந்து பெறப்பட்ட Tanna தீவின் எரிமலையின் புகைப்படத்தினை இங்கே இணைக்கிறேன்.
பெரும்பாலான சுற்றுலாக்கள் சில நிறுவனங்களினால் நடாத்தப்படுகின்றன. சில சுற்றுலாக்கள் முழு நாளும், சில அரை நாளும், சில 2 மணித்தியாலங்களும் எடுக்கும். சில சுற்றுலாக்கள் குறிப்பிட்ட கிழமைகளில் மட்டுமே நடைபெறும். அதற்கு ஏற்றமாதிரி நாங்கள் எங்கள் சுற்றுலாவினைத்தெரிவு செய்யவேண்டும். நான் வனுவாட்டுக்குப் போன போது அவுஸ்திரெலியா தாஸ்மேனியா[Tasmania] மானிலத்தின் தலைநகர் கோபாட்டில்[HoBart] இருந்து ஒரு பெரிய கப்பலில் பலர் சுற்றுலாவுக்கு இங்கே வந்திருந்தார்கள். அவர்கள் ஏற்கனவே சில சுற்றுலாக்களினைப் பதிந்தார்கள். இதனால் நான் விரும்பிய நேரத்தில் சில சுற்றுலாக்களுக்குச் செல்லமுடியவில்லை. எனினும் வேறு தினத்தில் நான் அச்சுற்றுலாக்களுக்குச் சென்றேன். நான் தங்கியிருந்த விடுதியின் மூலம் சுற்றுலாக்களினைப் பதியலாம். சுற்றுலா நடாத்தும் நிறுவனங்கள் சொகுசு வாகனத்தில் விடுதியில் இருந்து சுற்றுலா காட்ட கூட்டிக் கொண்டு போவார்கள்.
சில சுற்றுலாக்களுக்கு நாங்கள் பேருந்து அல்லது வாடகை மகிழுந்திலும் செல்லலாம். மேலதிகப்பணம் கூடக்கொடுத்தால் வேறு சில தனியார்களினால் நடாத்தப்படும் சொகுசு வாகனங்களில் இவ்விடங்களுக்குச் செல்லலாம். ஒரு முறை இயற்கையான தோட்டத்துக்கு சுற்றுலா சென்ற பிறகு நான் பேருந்தில் பயணித்தேன். பேருந்தில் மரக்கறிகள்,மீன்கள் போன்றவற்றினை கொண்டு மக்கள் சந்தைக்கு செல்வதினால் அவற்றின் நாற்றத்தினைச் சகிக்க முடியாமல் மூக்கைப் பொத்திக் கொண்டு பயணித்தேன். அதன் பிறகு பேரூந்தில் பயணிப்பதைத் தவிர்த்தேன்.
வனுவாட்டுக்கு சுற்றுலா செல்லும் பயணிகளில் பெரும்பாலோர் ஈவெட் தீவுக்கும், ஈவெட் தீவின் அருகில் உள்ள சிறு தீவுகளுக்கும் செல்வார்கள். அத்துடன் Tanna என்ற பெரிய தீவுக்கும் செல்வார்கள். இத்தீவிற்கு விமானத்தின் மூலம் போட்விலாவில் இருந்து ஒரு மணித்தியாலம் பிரயாணம் செய்ய வேண்டும். விமானக் கட்டணம்,ஒரு நாள் தங்குமிட வசதி, இத்தீவில் கட்டாயம் பார்க்கவேண்டிய எரிமலை ஆகியவற்றுக்கு கிட்டத்தட்ட 17500 வனவாட்டு வாற்று தேவைப்படுகிறது. இரவில் எரிமலை நெருப்பினை, நெருப்பின் மேலே, விமானத்தில் இருந்து கொண்டே பார்க்கலாம். இதனால் தான் கட்டணம் அதிகம் என்றாலும் சுற்றுலாப் பயணிகள் இத்தீவிற்கு கட்டாயம் செல்வார்கள். போட் விலா விமான நிலையத்தில் இருந்து ஒவ்வொரு நாளும் விமானம் ஒரு முறை இத்தீவிற்கு செல்கிறது. மற்றைய பெரியதீவுகளுக்கும் போட் விலாவில் இருந்து விமானம் (ஒரு மணித்தியாலம் பயணம், ஒரு முறை ஒரு நாளுக்கு விமானம் பயணிக்கிறது) செல்கிறது. பெரும்பாலும் எல்லாத்தீவுகளும் ஒரே மாதிரி என்பதினாலும் கட்டணம் அதிகம் என்பதினாலும் மிகவும் குறைவான சுற்றுலாப்பயணிகளே இத்தீவுகளுக்குச் செல்கிறார்கள். என்றாலும் இத்தீவுகளில் வாழ்பவர்களின் வாழ்க்கை முறைகள், கலாச்சாரங்கங்கள் தீவுகளுக்கிடையே வித்தியாசமாக இருக்கிறது.
நானும் Tanna தீவில் எரிமலையினைப் பார்க்க விரும்பி விடுதியில் உள்ள வரவேற்பாளாரின் உதவியுடன் பிரயாண முகவர்களிடம் பதிந்திருந்தேன். அவர்கள் குறிப்பிட்டளவு சுற்றுலாப் பயணிகள் சேர்ந்தால் கட்டாயம் பிரயாண ஒழுங்குகள் செய்வதாகவும் கட்டாயம் இடம் கிடைக்கும் என்றும் சொன்னார்கள். அதற்கு நான் எந்த நாள் என்றாலும் பரவாயில்லை என்றும் சொல்லியிருந்தேன். நான் சிட்னிக்கு திரும்பி வரும் நாளுக்கு முதல் நாள் இத்தீவுக்குச் செல்ல இடம் கிடைக்கும் என்றும், மறுநாள் திரும்பிவிடலாம் என்றும் சொன்னார்கள். ஆனால் கடைசி நேரத்தில் சுற்றுலாப் பயணிகள் சேராததினால் அந்த நிறுவனத்தினால் என்னால் Tanna தீவுக்கு செல்ல முடியவில்லை. நான் சிட்னிக்கு திரும்பி வரும் நாளில் விடுதியில் சந்தித்த அவுஸ்திரெலியாக் குடும்பத்தினாரைச் சந்தித்தேன். அவர்களுக்கும் இவ்வாறு இடம் கிடைக்காததினால் நேராக போட்விலா விமான நிலையத்துக்கு சென்று அங்கே பதிந்ததினால் அன்று Tanna தீவுக்கு செல்ல உள்ளதாகச் சொன்னார்கள். Tanna தீவில் உள்ள முகவர்கள் கட்டாயம் சிறு விமானத்தில் எரிமலையினைப் பார்க்கக் கூட்டிச் செல்வார்கள் என்றும் சொன்னார்கள். தென் பசுபிக் நாடுகளில் எரிமலையினைப் பார்க்கலாம். வனவாட்டில் பார்க்கதினைப் பிற்காலத்தில் வேறு ஒரு நாட்டில் பார்க்கலாம் தானே. இணையத்தளத்தில் இருந்து பெறப்பட்ட Tanna தீவின் எரிமலையின் புகைப்படத்தினை இங்கே இணைக்கிறேன்.
Thursday, December 04, 2008
வனுவாட்டு - பகுதி23 -கடலினுள் இருந்த அமெரிக்கா விமானத்தின் பாகங்கள்
படகோட்டி(சுற்றுலா வழிகாட்டி) மீன்கள் அதிகமாக உள்ள இடத்தில் படகை நிற்ப்பாட்டினார். நீச்சல் தெரிந்தவர்கள் நீரினுள் சென்று கடல்வளத்தினைப்பார்க்க, சுழியோடிகள் அணியும் கண்ணாடிகளை எங்களுக்கு படகோட்டி தந்தார். எனினும் கடல் அலைகள் அற்று தெளிவாக உள்ளதினால் படகில் இருந்தே கடலினுள் மீன்களினைப் பார்க்கக்கூடியதாக இருந்தது. படகோட்டி பாண்(வெதுப்பி)துண்டுகளை தர நாங்கள், அவற்றைக் கடலில் வீசினோம். பாண் துண்டுகளை நோக்கி மீன்கள் வந்தன.





வழிகாட்டி படகில் இருந்தவாறே தனது கைகளினால் ஒரு மீனைப் பிடித்துக்காட்டி, பிறகு அம்மீனைக் கடலில் இட்டார்.

படகு லெலெபாதீவின் இன்னுமொரு கரையினை நோக்கிச் சென்றது.

கடற்கரையில் கோழிகள்,குச்சுகளினைக் காணக்கூடியதாக இருந்தது.



அக்கரையில் உள்ள ஒரு வீட்டினை அடைந்ததும், அங்கே எங்களுக்கு விசுக்கோத்துடன் தேனீரும் தந்தார்கள். அவ்வீட்டில் உள்ளோர் ஒலைகளினால் வேயப்பட்ட பொருட்களை விற்பனைக்காக வைத்திருந்தார்கள். குறைந்தது ஒரு பொருளாவது வாங்கி அவர்களுக்கு உதவுமாறு சுற்றுலா வழிகாட்டி எங்களுக்குச் சொன்னார். பொருட்களும் மிகவும் மலிவு விலையில் இருந்தன.

அக்கிராமத்தினைவிட்டு வெளியே வந்து, படகில் இத்தீவினைச் சுற்றி வரும் போது வழிகாட்டி, எங்களுக்கு நீரினுள் பார்க்கக்கூடிய கண்ணாடியை அணியத் தந்து நீருக்குள் பார்க்கச் சொன்னார். பார்க்கும்போது அங்கே நீருக்கடியில் உடைந்த நிலையில் ஒரு விமானத்தின் பாகங்கள் தெரிந்தன. 2ம் உலகப் போரின் போது அங்கே விழுந்த அமெரிக்கா விமானத்தின் பாகங்கள் தான் அவை என்று வழிகாட்டி எங்களுக்குச் சொன்னார். அந்த விழுந்து உடைந்த விமானத்தின் பாகங்களினை கடலில் இருந்து எடுக்கும் செலவு அந்தக்காலத்தில் அதிகம் என்பதினால், உடைந்தபாகங்களினை வெளியே எடுக்க அமெரிக்கர்கள் அக்காலத்தில் முயற்சி செய்து பார்க்கவில்லை.

வழிகாட்டி எங்களை ஈவெட் தீவின் அருகில் படகை நிற்பாட்ட, எங்களை ஏற்றி வந்த வாகனம் எங்களுக்காக அங்கே நின்றது. மீன்பிடிக்கப் போனவர்களும் மீன் கிடைக்காத ஏமாற்றத்துடன் அவ்வாகனத்தில் இருந்தார்கள்.
ஈவேட் தீவுக்கும் லெலெபா தீவுக்கும் இடையில் பயணிகள் படகுச்சேவையினைக் கீழே உள்ள படத்தில் காண்கிறீர்கள்.

காலை 9 மணிக்கு லெலெபாத்தீவுக்கு சுற்றுலா சென்று மாலை 6மணிக்கு நான் தங்கியிருந்த விடுதிக்கு வந்தேன். நகரத்துக்கு சென்று அன்றைய இரவு உணவினை சீனர்களின் உணவகமொன்றில் உண்டேன். ஒருவருக்கு தரும் அவ்வுணவு இருவர் சாப்பிடக்கூடியதாகவும், மிகவும் உரூசியாகவும் இருந்தது.
வழிகாட்டி படகில் இருந்தவாறே தனது கைகளினால் ஒரு மீனைப் பிடித்துக்காட்டி, பிறகு அம்மீனைக் கடலில் இட்டார்.
படகு லெலெபாதீவின் இன்னுமொரு கரையினை நோக்கிச் சென்றது.
கடற்கரையில் கோழிகள்,குச்சுகளினைக் காணக்கூடியதாக இருந்தது.
அக்கரையில் உள்ள ஒரு வீட்டினை அடைந்ததும், அங்கே எங்களுக்கு விசுக்கோத்துடன் தேனீரும் தந்தார்கள். அவ்வீட்டில் உள்ளோர் ஒலைகளினால் வேயப்பட்ட பொருட்களை விற்பனைக்காக வைத்திருந்தார்கள். குறைந்தது ஒரு பொருளாவது வாங்கி அவர்களுக்கு உதவுமாறு சுற்றுலா வழிகாட்டி எங்களுக்குச் சொன்னார். பொருட்களும் மிகவும் மலிவு விலையில் இருந்தன.

அக்கிராமத்தினைவிட்டு வெளியே வந்து, படகில் இத்தீவினைச் சுற்றி வரும் போது வழிகாட்டி, எங்களுக்கு நீரினுள் பார்க்கக்கூடிய கண்ணாடியை அணியத் தந்து நீருக்குள் பார்க்கச் சொன்னார். பார்க்கும்போது அங்கே நீருக்கடியில் உடைந்த நிலையில் ஒரு விமானத்தின் பாகங்கள் தெரிந்தன. 2ம் உலகப் போரின் போது அங்கே விழுந்த அமெரிக்கா விமானத்தின் பாகங்கள் தான் அவை என்று வழிகாட்டி எங்களுக்குச் சொன்னார். அந்த விழுந்து உடைந்த விமானத்தின் பாகங்களினை கடலில் இருந்து எடுக்கும் செலவு அந்தக்காலத்தில் அதிகம் என்பதினால், உடைந்தபாகங்களினை வெளியே எடுக்க அமெரிக்கர்கள் அக்காலத்தில் முயற்சி செய்து பார்க்கவில்லை.
வழிகாட்டி எங்களை ஈவெட் தீவின் அருகில் படகை நிற்பாட்ட, எங்களை ஏற்றி வந்த வாகனம் எங்களுக்காக அங்கே நின்றது. மீன்பிடிக்கப் போனவர்களும் மீன் கிடைக்காத ஏமாற்றத்துடன் அவ்வாகனத்தில் இருந்தார்கள்.
ஈவேட் தீவுக்கும் லெலெபா தீவுக்கும் இடையில் பயணிகள் படகுச்சேவையினைக் கீழே உள்ள படத்தில் காண்கிறீர்கள்.
காலை 9 மணிக்கு லெலெபாத்தீவுக்கு சுற்றுலா சென்று மாலை 6மணிக்கு நான் தங்கியிருந்த விடுதிக்கு வந்தேன். நகரத்துக்கு சென்று அன்றைய இரவு உணவினை சீனர்களின் உணவகமொன்றில் உண்டேன். ஒருவருக்கு தரும் அவ்வுணவு இருவர் சாப்பிடக்கூடியதாகவும், மிகவும் உரூசியாகவும் இருந்தது.
Subscribe to:
Posts (Atom)