எனது அனுபவங்களை உங்களுடன் பகிர்ந்து கொள்ளும் வலைப்பதிவு இது.



Sunday, July 25, 2010

நியூசிலாந்து 12 -உலங்குவானூர்தியில் இருந்து நான் பார்த்த கிளேசியர்

பயணத்தின் போது மலையின் ஒருபகுதியில் உலங்கு வானூர்தி வந்து இறங்கியது. மலையின் எல்லா இடங்களிலும் நடப்பது ஆபத்தைத் தரும். எனென்றால் நாங்கள் நடக்கும் போது பனிக்கட்டிக்குள் புதைந்துவிடக்கூடிய அபாயமும் இருக்கிறது. விமான ஓட்டி சொன்ன இடத்தில் நடந்து பார்த்தோம்.

செப்டம்பர் மாத இறுதிக் கிழமைகளில் தான் நான் நியூசிலாந்து சென்றேன். அக்காலத்தில் நியூசிலாந்தில் குளிர் அதிகம். அதுவும் மலைப் பிரதேசங்களில் என்பதினால் இன்னும் குளிர் கூடவாக இருக்கும். ஆனால் உலங்குவானூர்தியில் இருந்து மலையில் உச்சியில் இறக்கிய பகுதியில் சூரிய வெளிச்சம் காரணமாக குளிர் இருக்கவில்லை. உலங்குவானூர்திப் பயணத்தை பதிவு செய்யும் போது, மலை உச்சியில் இருக்கும் போது குளிர்ச்சியான கண்ணாடியை அணிந்து வந்தால் நல்லது என்று சொன்னார்கள். சூரியகதிர்கள் மலையில் உள்ள பனிக்கட்டியில் விழுந்து தெறிப்பதினால் கண்கள் சிலவேளை கூசும் என்றார்கள்.

நாங்கள் நடக்கும் போது இன்னுமொரு உலங்குவானூர்தியில் இருந்தும் பயணிகள் வந்தார்கள்.

சில நிமிடங்களின் பின்பு மீண்டும் மலை உச்சியில் இருந்து உலங்கு வானூர்தியில் எங்களது பயணம் ஆரம்பமாகியது.




பிரயாணத்தின் போது மவுண்ட் குக்கிற்கும்(Mount Cook) மேலாக உலங்குவானூர்தியில் பயணித்தோம். நியூசிலாந்தில் ஏன் பசுபிக் நாடுகளில் மிகவும் உயரமான மலை குக் மலை.
நாங்கள் பயணித்த உலங்குவானூர்தியில் விரான்ஸ் ஜோசப்பில் இருந்து ஏறியவர்களும் இருந்தை முந்தைய பதிவில் சொல்லியிருந்தேன்.அந்த இருவரையும் விரான்ஸ் ஜோசப்பில் இறக்கி விட, விரான்ஸ் ஜோசப்பை நோக்கி உலங்கு வானூர்தி பயணித்தது.

மேலே நான் இணைத்த புகைப்படத்தைப் பெரிதாகப் பார்க்கும் போது கிளேஸியரில் வெய்யில் ஊடுறுவும் போது அடியில் தெரியும் பச்சை கலந்த நீலத்தைக் காணலாம்.







சில நிமிடப் பயணங்களின் பின்பு விரான்ஸ் ஜோசப்பில் உலங்கு வானூர்தி தரையிறக்கத் தொடங்கியது.




சுற்றுலாப்பயணிகள் இருவரையும் இறக்கிவிட்டு மீண்டும் உலங்கு வானூர்தி விரான்ஸிச் ஜோசப்பில்(Franz Josef) இருந்து வொக்ஸ் கிளேசியர்(Fox Glacier) நோக்கி பயணித்தது. கீழே உள்ள படத்தில் மலைகளுக்கிடையில் வெள்ளையாகத் தெரிவது கிளேசியர்(Franz Josef Glacier).

தொடர்ந்து வொக்ஸ் கிளேசியரை அடையும் வரை வானிலிருந்து எடுக்கப்பட்ட புகைப்படங்கள்.


2 comments:

அமுதா கிருஷ்ணா said...

மிக அருமையான படங்கள்..

Aravinthan said...

நன்றிகள் அமுதா கிருஷ்ணா