எனது அனுபவங்களை உங்களுடன் பகிர்ந்து கொள்ளும் வலைப்பதிவு இது.



Wednesday, August 29, 2012

நியூசிலாந்து 56- புகையிரதப் பயணத்தில் போகும் இடமெல்லாம் காட்சி அளித்த நியூசிலாந்தின் 4வது நீளமான 'Taieri' ஆறு

புகையிரதப்பெட்டியில் இருந்து கொண்டு இயற்கை அழகினைப் பார்த்து இரசித்துக் கொண்டிந்தேன். நியூசிலாந்தின் 4 வது மிகவும் நீளமான 'Taieri' ஆறும், போகும் இடமெல்லாம் எங்களுடன் வந்துகொண்டிருந்தது.
மாலை 2:30 மணிக்கு டனீடனில் வெளிக்கிட்ட இப்புகையிரதம் இரண்டு மணித்தியாலப் பயண முடிவில் 4:35 மணிக்கு 'PUKERANGI'யினை அடைந்தது.
'PUKERANGI'யில் இறங்கும் பயணிகள் வேறு இடங்களுக்கு செல்வதற்காக வாகனங்கள் அங்கே காத்திருந்தன.
10 நிமிடத்துக்கு பின்பு (அதாவது மாலை 4:45 மணியளவில்)மீண்டும் புகையிரதம் டனீடனை நோக்கித் திரும்பிப் பயணித்தது.
மேலே உள்ள படத்தில் தூரத்தில் தெரியும் பாலத்தினூடாகவே நாங்கள் புகையிரதத்தில் பயணித்தோம்.
சில நிமிடப் பயணத்தின் பின்பு சுற்றுலாப்பயணிகள் புகைப்படம் எடுப்பதற்காக ஒரிடத்தில் புகையிரதம் நின்றது.
சுற்றுலாப்பயணிகள் புகைப்படம் எடுத்தபின்பு மீண்டும் டனீடனை நோக்கிப் புகையிரதம் பயணித்தது.
மாலை 6:30 மணியளவில் புகையிரதம் டனீடனை அடைந்தது. டனீடன் நகரில் இருக்கும் தாய் நாட்டவர் உணவகமொன்றில் இரவு உணவினை அருந்தியபின்பு அன்று இரவு தங்கும் விடுதியை நோக்கிப் பயணித்தோம்.

No comments: